NATO do t’ia mundësojë Ukrainës të blejë armatim përmes agjencisë së saj të prokurimit

NATO-ja do t’i lejojë Ukrainës të blejë armë, municione dhe pajisje ushtarake nëpërmjet agjencisë së saj të centralizuar të prokurimit, duke i lejuar potencialisht Kievit zyrtar të marrë furnizime mbrojtëse më shpejt dhe më lirë, raporton Financial Times të enjten.

“Kjo i jep Ukrainës mundësinë për të pasur një kornizë më të strukturuar për të shfrytëzuar një gamë të gjerë aftësish që ne ofrojmë: ekspertizë prokurimi, shërbime mbështetëse dhe qasje në bazën industriale”, ka thënë për FT drejtoresha e mbështetjes së operacioneve në Agjencinë e Mbështetjes dhe Prokurimit të NATO-s (NSPA), Jacqueline Borsboom.

Marrëveshja vjen në mes të përkeqësimit të marrëdhënieve SHBA-Ukrainë që kur presidenti i SHBA-së Donald Trump njoftoi një marrëveshje eksporti nafte me Rusinë këtë muaj për të ulur çmimet e karburantit në SHBA.

Ukraina është ankuar për ndërprerje në ndarjen e disa informacioneve të inteligjencës dhe përdorimin e sistemit satelitor Starshield, megjithëse presidenti i Ukrainës, Volodymyr Zelensky, ka thënë se pas një takimi në Oslo të martën me të dërguarin amerikan, Steve Ëitkoff, ishte rënë dakord për të zgjidhur këto çështje.