Vapë në Shqipëri, Gjakova “pushtohet” nga stuhi breshëri

Moti i keq ka përfshirë në orët e pasdites disa rajone të Komunës së Gjakovës. Në rrjetet sociale janë publikuar pamjet rrebesheve të shiut e të breshrit në Gjakovë.

Instituti Hidrometeorologjik ka paralajmëruar se në dy ditët e ardhshme pritet të ketë reshje shiu dhe shkarkime rrufeshë.

“Vranësirat e dendura të cilat parashihen ta përfshijnë vendin nuk do të jenë stabile dhe si pasojë do të shoqërohen me riga shiu dhe shkarkime rrufesh”, u tha në njoftimin e IHMK të premten.

“Temperaturat minimale do të lëvizin ndërmjet 17-18 gradë Celsius, ndërsa maksimalet e ditës parashihen të lëvizin ndërmjet 31-35 gradë Celsius. Do të fryjë erë e lehtë dhe lokalist e fortë nga drejtimi i verilindjes”.