U shpall “non grata” nga SHBA/ Ali Ahmeti: Grubi do të tërhiqet nga të gjitha funksionet në BDI

Ish-zv.kryeministri shqiptar nga radhët e BDI-së, Artan Grubi u shpall “non grata” dy ditë më parë nga Departamenti Amerikan i Shtetit.

Në lidhje me këtë vendim ka reaguar së fundmi për mediat edhe kryetari i BDI-së, Ali Ahmeti, i cili ka deklaruar se Artan grubi do të tërhiqet vetë nga të gjitha funksionet në forcën politike ku bën pjesë.

“Nuk i kontestojmë vendimet e Departamentit të shtetit, z. Grubi e ka të drejtën e ankimimit, të bëjë procesin në drejtim të fakteve, sepse kjo e drejtë i njihet z. Grubit në vendimin e Departamentit të Shtetit dhe z Grubi nuk do as të dëmtojë subjektin e vet, familjen e vet, BDI-në, deri në momentin që ky proces të ketë epilog.

Mendoj që zoti Grubi është i përgjegjshëm dhe i ndërgjegjshëm, nuk ka nevojë ta largojë partia, zotëri Grubi sigurisht do të tërhiqet vet nga të gjitha funksionet e partisë”, deklaroi Ahmeti