Moti i keq bllokon aksin Kukës-Bushtricë, ARRSH: Grupet e punës ndodhen në terren

Moti i keq ka shkaktuar problematika në aksin Mali-Fierzë, Kukës-Bushtricë. Bëhet me dije se reshjet e dendura të shiut kanë shkaktuar rënie të inerteve në rrugë.

Autoriteti Rrugor Shqiptar (ARRSH) njofton se grupet e punës të ndodhura në terren po punojnë për pastrimin me mjete dhe punëtorë për ta kthyer qarkullimin dhe gjendjen e akseve në normalitet.

“Në aksin Qafë Mali-Fierzë Kukës-Bushtricë si pasojë e reshjeve të dendura të shiut ka pasur rënie të inerteve në trup të rrugës.

Grupet e punës të ndodhura në terren po punojnë për pastrimin me mjete dhe punëtorë për ta kthyer qarkullimin dhe gjendjen e akseve në normalitet”, thuhet në njoftim.