Situata e Covid-19 në Kosovë, eksperti: Gjendja është e rënduar

Situata e Covid-19 në Kosovë nuk është aspak e mirë dhe kjo ka alarmuar ekspertët. Afrim Sylejmani, infektologu nga Kosova tha se situata është shqetësuese, ndërsa bën thirrje që të vaksinohen të gjithë.

“COVID-19 po merr jetën e më të dashurve tanë! Gjendja në spitale dhe klinika është rënduar shumë. Vaksina Shpëton jetë! Ftoj të gjithë, pa dallim, ftoj qytetarët e Gjakovës të vaksinohen sa më shpejt e sa më shumë”, tha ai për faqen zyrtare të SHKUK.

Ndërkohë, një ditë më parë, autoritetet shëndetësore bëjnë me dije se janë aktive 26 mijë e 886 raste, kjo për shkak të variantit Delta. Në 24 orët e fundit, janë infektuar mbi 1 mijë persona dhe 26 të vdekur.