Shenja në krahun e majtë që tërhoqi vëmendjen, çfarë u pa gjatë zhveshjes së kryeministrit kosovar

Kryeministri i Kosovës Albin Kurti ka marrë para pak çastesh dozën e parë të vaksinës AstraZeneca në sallën ‘1 Tetori’ në Prishtinë.

Ajo që ra në sy gjatë kohës që kryeministri kosovar po bëhej gati të merrte injektimin ishte një shenjë në dorën e tij të majtë.

Nuk dihet nëse është shenjë nga lindja, apo, rezultat i ndonjë lëndimi, sidoqoftë shenja në fjalë është aq e madhe sa bie në sy menjëherë.

Kryeministri Albin Kurti është i pari qytetar i Kosovës që vaksinohet brenda vendit ndaj COVID-19. Kurti vaksinën e ka marrë në sallën e sporteve “1 Tetori”, Prishtinë.

Ai sot mori dozën e parë të vaksinës AstraZeneca.

Salla “1 Tetori” në Prishtinë tashmë ka pamje tjetër nga brenda meqenëse nga sot nis vaksinimi në Kosovë.

Nga ana tjetër një pjesë e personelit shëndetësor të Kosovës ka nisur të vaksinohet në Kukës me ndihmën e qeverisë së Shqipërisë.