Shembet ndërtesa 4-katëshe në Athinë, dyshohet për disa persona të bllokuar

Katër persona mbetën të bllokuar pasi një pallat katërkatësh u shemb sot në zonën e Petralona të Athinës, njoftoi brigada e zjarrfikësve.

Sipas informacioneve të para, nuk është e qartë se çfarë e shkaktoi shembjen e ndërtesës në të cilën ndodheshin shtatë apartamente, raporton Katimerini.

Sipas raportimeve, shembja mund të jetë rezultat i punimeve të vazhdueshme ndërtimore në ndërtesën fqinje.

Raportet fillestare tregojnë se katër persona ndodheshin në ndërtesë në kohën e shembjes, megjithatë kjo nuk është konfirmuar, dhe raportet e fundit tregojnë se një person ishte i bllokuar.

Zjarrfikësit dhe policia janë dërguar në zonë për të ndihmuar në operacionin e shpëtimit që është në vazhdim, thanë shërbimet e emergjencës në një deklaratë. 30 zjarrfikës me tetë automjete dhe një automjet special shpëtimi me dy qen kërkim-shpëtimi janë në vendngjarje.