Vuçiç nis të shpërndajë para për serbët e Kosovës, mbështetje ekonomike për ta

Kryeministrja e Serbisë, Ana Bërnabiq ka thënë se sot ka nisur ekzekutimi i pagesave të ndihmës financiare për serbët në Kosovë, raporton RTS, transmeton Gazeta Express.

Bërnabiq specifikoi në emisionin në TV Pink se bëhet fjalë për shumën prej 100 eurosh të destinuara për të gjithë serbët që jetojnë në Kosovë dhe 200 euro ndihmë që do të marrin të papunët.

Ajo theksoi se qëllimi është mbështetja e serbëve të Kosovës. Kjo u iniciua nga presidenti serb, Aleksandar Vuçiç.