“Nuk më duhet më jeta…”, i biri 21-vjeçar vdiq në tragjedinë e Koçanit, flet babai

Të afërmit e viktimave të zjarrit janë mbledhur gjatë gjithë ditës përpara spitaleve dhe zyrave të qytetit në Koçani të Maqedonisë së Veriut, duke kërkuar me dëshpërim më shumë informacion nga autoritetet.

Banori lokal, Dragi Stojanov, u informua se djali i tij 21-vjeçar, Tomçe, ishte mes 59 personave që humbën jetën.

“Ai ishte i vetmi fëmijë që kisha. Nuk më duhet më jeta… 150 familje janë shkatërruar. Fëmijë të djegur… Ka vetëm trupa, thjesht trupa brenda klubit”, tha ai.