Negociatat për anëtarësim, Varhelyi optimist: Shqipëria i ka përmbushur kushtet, por…

Komisioneri për zgjerimin Oliver Varhelyi, nga Shkupi, ku u diskutua për negociatat për anëtarësimin në BE, nuk përjashtoi mundësinë që Shqiperia të ndahet nga Maqedonia e Veriut në negociatat për anëtarësim, nëse Shkupi nuk zgjidh mosmarrëveshjet me Bullgarinë.

“Nëse nuk ka marrëveshje në lidhje me Maqedoninë e Veriut, mund të vijë ai moment, kur do të duhet ta shqyrtojmë këtë opsion. Shpresojqë kjo të mos ndodhë.” tha Varheli gjate vizitës në Shkup.

Sipas komisionerit, Shqipëria i ka përmbushur kushtet dhe bisedimet kanë mbetur peng i mosmarrëveshjes se Maqedonisë së Veriut me Bullgarinë. Në nëntor të vitit 2020 Bullgaria ka bllokuar nisjen e bisedimeve të anëtarësimit të Maqedonisë së Veriut me BE-në, duke i kushtëzuar me arritjen e marrëveshjes në lidhje me kërkesat e saj për identitetin dhe gjuhën maqedonase.