Përmbytje nga moti i keq, 14 persona humbin jetën në Bosnje-Hercegovinë

Vërshime katastrofike në Bosnje & Hercegovinë

Të paktën 14 persona kanë vdekur në Bosnje e Hercegovinë dhe shumë të tjerë janë lënduar, pas reshjeve të shiut që shkaktuan vërshime dhe rrëshqitje të dheut në disa komuna.

Situata më kritike raportohet të jetë në zonën e Jabllanicës, që gjendet në rrugën nga Mostari për në Sarajevë.

Për shkak të reshjeve të shiut janë përmbytur disa komuna ndërsa ka probleme nga rrëshqitjet e dherave.

Në një mbledhje të jashtëzakonshme të zhvilluar ditën e sotme, qeveria ka vendosur që në komunën e Jabllanicës të angazhohen Forcat e Armatosura në Bosnje.

Ekipe të shpëtimit, njësi të tjera dhe një helikopter i ushtrisë u përfshin në përpjekjet për t'iu ofruar ndihmë popullatës civile në përgjigje ndaj kësaj fatkeqësie natyrore.

: Pixsell/Denis Kapetanovic