Mësuesi i ngacmoi vajzën, 40-vjeçari shkoi të merrte hak por mbeti i vrarë

Një ngjarje e rëndë ka ndodhur një ditë më parë në Pejë, ku ka mbetur i vrarë një 40-vjeçar. Mediat kosovare bënë me dije se viktima u vra nga mësuesi i vajzës së tij. Sipas mediave, 40-vjeçari kishte shkuar të përballej me mësuesin pasi ky i fundit i kishte ngacmuar vajzën dy vite më parë.

Sipas gjykatës, ai e kishte ftuar të miturën në kabinetin e shkollës për të nxjerr mungesat dhe statistikat e suksesit, por që më pas i ishte afruar te banka dhe pa pëlqimin e saj e kishte ngacmuar. Ajo e kishte shtyrë arsimtarin dhe me vrap kishte dal nga kabineti dhe kishte shkuar në shtëpi e i kishte lajmëruar familjarët.

Ndonëse gjykata e dënoi mësuesin me 3 vite e 6 muaj burg, por që sipas vendimit ai do e vuaj pas plotfuqishmërisë së aktgjykimit e në të cilin dënim i llogaritet edhe koha e kaluar në paraburgim dhe arrest shtëpiak.

Për tu hakmarrë, babai i vajzës shkoi për të vendosur drejtësi për vajzën, por përfundoi në tragjedi. Policia ka bërë me dije se i dyshuari për vrasje është akoma në arrati. Në vendin e ngjarjes janë gjetur dhe sekuestruar një pistoletë dhe disa gëzhoja, derisa trupi i viktimës është dërguar në Instituin e Mjekësisë Ligjore për obduksion.

“Rr. Xhin Gazuli, Pejë 18.05.2021-15:39. Është raportuar se në rrethana të panjohura, një i dyshuar mashkull ka qëlluar me armë zjarri për vdekje viktimën mashkull kosovar dhe është larguar në drejtim të panjohur. Njësit relevante dhe ekipi mjekësor kanë dalë në vendin e ngjarjes ku është konfirmuar vdekja e viktimës ndërsa afër tij është gjetur dhe sekuestruar një pistoletë dhe disa gëzhoja. Me vendim të prokurorit trupi i pajetë i viktimës është dërguar në IML për obduksion. Rasti vazhdon të hetohet”, thuhet në raport.