KQZ mbyll numërimin e votave, Vetëvendosja fiton 41%, PDK 22, LDK 17 për qind!

Ka përfunduar numërimi i votave në Kosovë, teksa ditën e nesërme pritet që të numërohen votat e kandidatëve për deputetë.

Komisioni Qendror  Zgjedhjeve i Kosovës ka bërë të ditur se partia e parë në renditje është Lëvizja Vetëvendosje e drejtuar nga kryeministri Albin Kurti, që ka grumbulluar rreth 41% të numrit total të votave.

Në vendin e dytë renditet PDK me 22.16% të votave dhe pas saj LDK me 17.6% të votave.

Po ashtu, në vendin e katërt renditet AAK me 7.46% të numrit të votave, ndërsa partia e serbëve në Kosovë, Lista Serbe, ka arritur të grumbullojë 4.43% të votave, raporton Rel.

Ndërkohë pritet që të nisë edhe numërimi i votave të diasporës, e cila ka votuar në kutitë e vendosura në ambasada dhe konsullata, si edhe votat e dërguara me postë.