Këshilli i Evropës heq nga rendi i ditës kërkesën e Kosovës!

Kërkesa e Kosovës për status të mysafirit, është tërhequr nga agjenda e Komitetit për Politikë të Asamblesë Parlamentare të Këshillit të Evropës.

Kërkesa e Kosovës ishte paraparë të shqyrtohej në agjendën e takimit të sotëm, por u tërhoq në nisje të seancës.

“Në hapjen e mbledhjes së tij sot në Paris, Komiteti për Politikë i Asamblesë Parlamentare të Këshillit të Evropës, vendosi të heqë nga rendi i ditës pikën numër 5: “Kërkesa për statusin e mysafirit special nga Kuvendi i Kosovës*”, thuhet në përgjigje për Telegraf.

Kjo kërkesë ishte në rendin e ditës së takimit të Komitetit, i cili po mbahet në Francë, përkatësisht në Paris.