Greqia i kërkon Parlamentit Europian heqjen e imunitetit të deputetit socialist të PASOK-ut, Nikos Papandreu

Autoritetet greke i kanë paraqitur një kërkesë Parlamentit Evropian për të hequr imunitetin nga ndjekja penale të deputetit socialist të PASOK-ut, Nikos Papandreu, tha të hënën kryetarja e dhomës Roberta Metsola.

Metsola nuk specifikoi arsyen e bërjes së kërkesës, duke thënë se ajo do të shqyrtohej nga shërbimet ligjore të Parlamentit Europian.

Bashkëpunëtorë të ngushtë të Papandreut , djali i themeluesit të ndjerë të PASOK-ut dhe ish-kryeministrit Andreas Papandreu dhe vëllai i ish-kryeministrit George Papandreu – thanë se procesi kishte të bënte me “një mosmarrëveshje të zakonshme pune”.

Ata shtuan se Papandreu, i cili është 69 vjeç, “e mirëpret procesin dhe ka besim të plotë në rezultatin e tij”.

Një komision pritet të vendosë nëse imuniteti i Papandreut do të hiqet.

Papandreu ka qenë anëtar i Parlamentit Europian që nga maji i vitit 2023