Ergys Agasi kërkesë GJKKO-së: Më ktheni mbrapsht kamerën që sekuestruat nga zyra ime

Ergys Agasi i është kërkuar Gjykatës së Posaçme kundër Korrupsionit dhe Krimit të Organizur që t'i kthejë sendet e sekuestruara gjatë kontrollit të kryer në zyrën e tij. 

Mësohet se kërkesa është depozituar më 14 tetor, ndërsa Agasi kërkon konkretisht kthimin e një kamere të sekuestruar në ambientet e zyrës. Pritet që GJKKO të shqyrtojë kërkesën dhe të vendosë nëse kamera do t’i kthehet apo do të vijojë të mbahet e sekuestruar.   Gjyqtarja që do të shqyrtojë çështjen është Flojera Davidhi. 

Agasi u arrestua më 26 gusht, pasi SPAK e kishte shpallur në kërkim, në kuadër të hetimeve për dosjen "AKSHI". Ndaj Agasit rëndojnë akuzat për përfshirje në korrupsion, konkurrencë të paligjshme dhe lidhje me krimin e organizuar, manipulim tenderash, pengmarrje dhe ushtrim ndikimi të padrejtë mbi proceset e prokurorimit shtetëror.