“Edhe djali im iku nga Shqipëria një muaj më parë se s’ka të ardhme ketu”/ Endri Prifti thirrje të fortë Ramës

Këngëtari Endri Prifti i ka bërë thirrje kryeministrit Edi Rama të largohet nga pushteti, duke e akuzuar se ka dështuar në qeverisjen e vendit. 

Përmes një postimi në rrjetet sociale, Prifti u ndal te protesta e të rinjve, duke theksuar se ata nuk janë ngritur pa arsye, por po kërkojnë një të ardhme më të mirë në Shqipëri.

Ai solli në vëmendje edhe largimin e të rinjve nga vendi, duke përmendur se edhe djali i tij është larguar, pasi nuk sheh të ardhme në Shqipëri. Prifti i kërkoi Ramës të reflektojë mbi kërkesat e studentëve dhe të llogarisë nëse të ardhurat dhe kushtet që ofron vendi janë të mjaftueshme për të rinjtë.

Endri Prifti: Ka thene qe edhe djali im iku se ska te ardhme ketu. Degjoje popullin dhe hap krahun se nuk e ben dot me kete pune, deshtove. Rinia nuk eshte ngritur kot, nuk u del. Beje hesapin, merr lapsin dhe beja djalit tend sikur te ishte student.

Nuk del hesapi. Per drejtesine pastaj. Kam 5 vite qe pres drejtesi more zoti rama. Me shiten shtepine dhe s’kam akoma drejtesi se i kente gjithe te korruptuar ndsj thirri nendjes!