Çfarë po ndodh? Soni Malaj anulon koncertin në Itali (FOTO)

Këngëtarja shqiptare, Soni Malaj, ka njoftuar anulimin e koncertit që ishte planifikuar të mbahej më 24 tetor në Bolonjë të Italisë.

Përmes një postimi në Instagram, artistja ka bërë të ditur se, për shkak të ngjarjeve të fundit, nuk do të jetë e pranishme në koncertin e paraparë për këtë datë.

 “Për shkak të ngjarjeve të fundit, me keqardhje ju njoftoj që nuk do të jem e pranishme në koncertin e datës 24 tetor në Bolonjë, Itali”, ka shkruar ajo.

Soni nuk ka dhënë më shumë detaje, por ka kërkuar mirëkuptimin e publikut, duke shprehur shpresën se do të takohen sërish së shpejti.

Njoftimi i këngëtares vjen në një periudhë kur Tirana është përfshirë nga protesta të njëpasnjëshme, të cilat ditët e fundit janë shoqëruar edhe me përplasje dhe tensione.