Dita e 13-të e protestës, goditet me gurë godina e Kryeministrisë dhe e Kryesisë së Kuvendit, sulmohet banka

Protesta e 13-të po zhvillohet para Ministrisë së Arsimit, ku forcat e policisë janë pozicionuar pranë godinës, ndërsa autobotët me ujë qëndrojnë në rrugë në kuadër të masave të sigurisë.

Tubimi ishte njoftuar për orën 14:00 dhe vjen një ditë pas protestës kombëtare, e cila u shoqërua me përplasje të forta mes protestuesve dhe efektivëve të policisë.

Incidentet e së shtunës lanë 23 persona të plagosur. Mes tyre ishte edhe 28-vjeçari Erjon Vishkulli, i cili u godit në sy me plumb gome.

Ndërkohë, gjatë protestës së sotme, pas qëndrimit për disa minuta në zonën e njohur si “Paqja”, disa protestues të maskuar nisën të hedhin gurë. Më pas, marshimi drejt Kryeministrisë vijoi në mënyrë të qetë.