Debati për veprën e Aleksandër Moisiut në Durrës / Autori: Kam dalë nga klishetë e një figure që njihet nga fotografia

Busti i Aleksandër Moisiut në Universitetin e Durrësit ka ngjallur reagime. Në rrjetet sociale kanë vërshuar komentet, ku shumë prej tyre shprehin pakënaqësinë për pamjen e re të aktorit të madh.

Shumë e quajnë si “shkatërrim të figurës së tij”, madje e konsiderojnë të njëjtë me incidentin e Çerçiz Topullit në Gjirokastër para disa javësh.

Autori i veprës është profesori i skulpturës dhe njëherazi dekani i Universitetit të Arteve të Bukura, Sadik Spahija, i cili e quan “krenari” këtë vepër të tij.

Ditën e sotme, autori ishte i ftuar në emisionin “Ftesë në 5” me Bieta Sulon, ku u shpreh se njerëzit nuk e kanë njohur Aleksandër Moisiun për së gjalli.

“Jam krenar për këtë vepër! Njerëzit nuk e kanë njohur Aleksandër Moisiun për së gjalli. Kam dalë nga klishetë e një figure qe njihet nga fotografia… Kam ftuar spektatorin në një dinamik mendimi…Secili mund të mendojë ç’të dojë”, tha Sadik Spahija.