Zv.ministri gjerman mesazh Turqisë: Ne jemi në anën e Greqisë, nëse kërcënohet...

Zëvendës Ministri i Jashtëm gjerman, Michael Roth i ka kërkuar Turqisë të ndalojë provokimin e Greqisë dhe Qipros, si dhe shpimet në Mesdheun Lindor.

“Greqia duhet ta dijë që ne jemi në anën e saj, kur Turqia kërcënon integritetin e saj dhe atë të Qipros”, tha zyrtari gjerman, duke dërguar një mesazh mbështetjeje në mes të retorikës shkallëzuese provokuese turke.

Në një intervistë, Roth theksoi nevojën për të vazhduar procesin e dialogut Greko-Turk, ndërsa duke iu referuar sanksioneve të BE kundër Ankarasë , deklaroi se: “Nëse vendet anëtare të BE, të tilla si Greqia, sfidohen dhe kërcënohen për sigurinë e tyre, atëherë duhet një përgjigje e qartë.”