Flakë e tym gjigant/ Të paktën 8 të vdekur dhe 36 të plagosur nga zjarri në një qendër tregtare pranë Teheranit

Të paktën tetë persona janë vrarë dhe 36 të tjerë janë plagosur në një zjarr të madh që shpërtheu në një qendër tregtare pranë kryeqytetit iranian, Teheran, tha televizioni shtetëror.

Zjarri shpërtheu të martën në qendrën tregtare Argavan në qytetin Andisheh. Shkaku i zjarrit nuk dihet ende, por transmetuesi shtetëror IRIB tha se autoritetet po hetonin incidentin.

Videot e transmetuara nga mediat iraniane treguan zjarrfikësit duke luftuar me flakët ndërsa tymi i zi i dendur ngrihej nga ndërtesa shumëkatëshe.

Sipas të njëjtave informacione, deri më tani nuk ka asnjë tregues se zjarri është i lidhur me luftën në zonë.