Zgjohet në 5 të mëngjesit për të kapur karavidhe, njihuni me jetën e 101-vjeçares amerikane

Njihuni me Virginia Oliver, gruaja 101-vjeçare që ka bërë të gjithë për vete. Me imazhin e gjyshes perfekte, ajo është fotografuar duke kapur karavidhe në oqeanin Atlantik dhe tashmë të gjithë po flasin për të. Fox News shkruan se gjyshja e ka këtë një hobi dhe asgjë ndër vite nuk e ka ndaluar ta ndjekë.

Media në fjalë shkruan se 101-vjeçarja e tërheq karavidhen me magnet, duke bërë që të gjithë ta komentojnë, duke ditur më shumë për hobin e saj. Ajo për FoxNews ka treguar më shumë për rutinën e saj, që gjithmonë lidhet me kapjen e karavidheve.

Ajo ka treguar se dita e saj nis në orën 04:45 të mëngjesit. Vetë merr makinën dhe niset për tek varka e vjetër që ia ka lënë burri i saj, që tashmë nuk jeton më. Ajo bën me dije se këtë nuk e bën çdo ditë, për 3 herë në javë dhe këtë e ka nisur që në moshën 8-vjeçare.