Zbarkimi me sukses në Mars, roveri kinez trasmeton pamjet

Roveri kinez Zhurong transmetoi sot imazhet e para të filmuara në Mars, pas zbarkimit me sukses që shënoi në fundjavë. Lajmi u bë me dije nga mediat vendase. Në pamjet e publikuara shihet fillimisht roveri pak pasi kishte zbritur në Planetin e Kuq, ndërsa një tjetër tregon ndarjen e Zhurong nga anija kozmike Tianëen-1, sipas agjencisë hapësinore të Kinës. Moduli i uljes preku sipërfaqen e Marsit të shtunën, duke e bërë Kinën vendin e dytë që zbarkon me sukses në fqinjin e Tokës.

Tianwen-1 u ngrit nga Toka më 23 korrik dhe arriti orbitën në shkurt. Fluturimi ishte një nga më të vështirët që Kina ka ndërmarrë ndonjëherë. Ulja ishte një sfidë e madhe, pasi Marsi ka atmosferën e tij, ndryshe nga Hëna. Nëse gjithçka shkon sipas planit, rover Zhurong, i quajtur sipas perëndisë kineze të zjarrit, do të hetojë Planetin e Kuq për të paktën tre muaj.