Zbardhet dokumenti i ushtrisë amerikane: Bota është shumë pranë Luftës Bërthamore

Një dokument i ri nga ushtria amerikane tregon se rreziku i Luftës Bërthamore në të gjithë botën është vetëm në rritje.

Letra u mor dhe më pas u shpërnda nga Federata e Shkencëtarëve Amerikanë, si një përditësim mbi gjendjen dhe veprimtarinë e forcave të armatosura në të gjithë globin dhe mënyrën se si SHBA  duhet të reagojë ndaj këtij rreziku.

Dokumenti i Pentagonit thotë se ‘potenciali’ për një Luftë Bërthamore është më i madh mes Shteteve të Bashkuara të Amerikës dhe vendeve të tilla si Rusia, Kina, Koreja e Veriut dhe Irani.

Nga antagonistët e SHBA-së, Rusia dhe Kina janë vendet me armatimet më të fuqishme dhe më të shumta.

Sidoqoftë, siç e dimë, Koreja e Veriut ka qëlluar me raketa kohët e fundit, kështu që edhe kjo është shqetësuese.

Dokumenti pretendon se SHBA është përpjekur të ulë potencialin për konflikt bërthamore, por pranon se “Asnjë kundërshtar i mundshëm nuk ka zhvlerësuar rolin e armëve bërthamore në strategjinë e saj të sigurisë kombëtare ose numrin e armëve bërthamore që kanë në pronësi”.

“Përkundrazi! Shtetet e mësipërme kanë lëvizur në drejtim krejt të kundërt, duke u përqendruar tek forca e armëve bërthamore. Si rezultat, ekziston një potencial i shtuar për konfliktet rajonale që përfshijnë kundërshtarët e armatosur bërthamorë në disa pjesë të botës”, thuhet në dokumentar.