Videoja që 'ndezi' gjakrat, raketa iraniane godet Kongresin amerikan

Garda Revolucionare e Iranit së fundmi ka publikuar një video propaganduese ku përmes editimit kanë bërë që ndërtesa e Kongresit amerikan të hidhet në erë nga një raketë gjigante dhe se ushtarët iranianë po ‘çlirojnë’ Jerusalemin.

Televizioni shtetëror IRGC transmetoi videon e edituar para se lideri suprem Ali Khamenei të fliste për popullin.

Siç shihet në video shfaqen trupat e Gardës Revolucionare të Iranit të reshtuara dhe më pas shihet teksa një raketë gjigande lëshohet dhe godet Kongresin amerikan.

E sikur kjo të mos u mjaftonte, në videon e edituar shfaqen edhe klerikët iranian duke ecur në drejtim të Jerusalemit, qytet i shenjtë për të cilin palestinezët dhe izraelitët luftojnë prej vitesh.

Sipas Kasra Aarabi, analist në Institutin Tony Blair, muzika që dëgjohet në sfond të videos është një këngë nacionaliste.