Vajzat në Afganistan mund të studiojnë, talebanët publikojnë rregullat strikte

Talebanët e mbajtën fjalën, do lejojnë femrat që të studiojnë. Por, këto femra do kenë shumë rregulla për të plotësuar, nëse duan të realizojnë këtë ëndërr. Mediat ndërkombëtare bëjnë me dije se rregulli i parë kryesor është veshja me fustane të zi, me nikab që i mbulon fytyrën. Më pas, vajzat do ndjekin mësimet larg djemve.

Në shkollat private, sipas rregullit të ministrit të Arsimit, vajzat duhet të largohen nga mësimi 5 minuta para djemve, ose pasi ata të jenë larguar. Universitetet obligohen të “gjejnë profesoresha që do t’ju japin mësim studenteve”, përndryshe detyrohen të punësojnë “profesorët e vjetër meshkuj”, e kaluara e tyre morale që është kontrolluar dhe konsiderohen si të besueshëm.