U sulmua nga një shqiptar në dhomën e tij të paraburgimit, ndërron jetë i burgosuri gjerman

Një i burgosur në Gjermani ka ndërruar jetë më 2 maj, rreth një vit e gjysmë pasi ishte sulmuar nga një tjetër i burgosur me origjinë shqiptare.

Sipas mediave gjermane, ngjarja ka ndodhur në dhjetor të vitit 2024, kur 46-vjeçari gjerman u sulmua në qelinë e tij nga një 43-vjeçar shqiptar.

Të burgosur të tjerë e gjetën të plagosur dhe njoftuan menjëherë stafin e burgut, i cili i dha ndihmën e parë dhe më pas e transportoi në spital.

Që nga ajo kohë, 46-vjeçari kishte qenë në trajtim mjekësor, deri sa ndërroi jetë më 2 maj.

I dyshuari shqiptar është akuzuar nga prokuroria e Regensburg për tentativë vrasjeje.

Tashmë autoritetet në Gjermani po hetojnë nëse sulmi i ndodhur një vit e gjysmë më parë ka qenë shkaku direkt i vdekjes së të burgosurit gjerman.