U dënua për korrupsion, lihet i lirë ish-kryeministri, shkak gjendja e tij shëndetësore

Ish-kryeministri i Tajlandës, Thaksin Shinaëatra u lirua sot me kusht pasi kreu gjashtë muaj dënim.

Sipas mediave lokale, 74-vjeçari u lirua nga një spital policie në Bangkok dhe u nis për në shtëpinë e tij i shoqëruar nga fëmijët e tij. Ai nuk iu përgjigj pyetjeve të gazetarëve.

Ai kreu gjysmën e dënimit në spital për shkak të sëmundjes, raportoi e përditshmja lokale angleze Bangkok Post.

Thaksin shërbeu si kryeministër i Tajlandës nga viti 2001 deri në vitin 2006, kur qeveria e tij u përmbys nga një grusht shteti ushtarak, ndërsa ai ishte për vizitë në SHBA.

Ai u dënua me tetë vjet në mungesë për korrupsion dhe akuza të tjera.

Pas kthimit të tij në Tajlandë në vitin e kaluar, Thaksin u dërgua në burg, por u transferua menjëherë në spital pasi u ankua për shtrëngim në gjoks dhe presion të lartë të gjakut.

Në shtator, mbreti i Tajlandës, Maha Vajiralongkorn uli dënimin me burg të Thaksin në një vit, duke përmendur kontributet e tij për vendin gjatë qëndrimit të tij si kryeministër.