Turqi/ Kamioni humb kontrollin dhe futet në trotuar, momentin kur e mitura i shpëton përplasjes (Video)

Një situatë e frikshme, fatmirësisht pa dëme ka ndodhur në Turqi. Një video e bërë virale ka treguar momentin kur një kamion futet në trotuar, ndërsa aty ndodheshin disa fëmijë. Një vajzë e vogël e cila ishte shumë vigjilente, reagoi menjëherë duke u larguar.

“Krejt papritur, pashë kamionin që vinte drejt nesh me një zhurmë të madhe. E tërhoqa vajzën time, e cila ishte gati të binte nën kamion, ndërsa e përqafova. Fëmijët e tjerë u larguan gjithashtu”, tha njëri prej prindërve që ishte dëshmitar i rastit.

Nuk dihet shkaku i kësaj ngjarje, por policia po punon për zbardhjen.