Trump e mbështeti në agresionin kundër Iranit, reagon Netanyahu: Po mbron qiejt e Izraelit

Kryeministri izraelit Benjamin Netanyahu ka publikuar një video mesazh drejtuar qytetarëve, ku falënderon Presidentin amerikan Donald Trump për mbështetjen e vazhdueshme ndaj Izraelit në mes të krizës së thellë në Lindjen e Mesme.

“Dua të falënderoj Presidentin Trump, një mik të madh të Shtetit të Izraelit. E falënderoj që qëndron me ne dhe për mbështetjen e Shteteve të Bashkuara në mbrojtjen e qiejve të Izraelit”, u shpreh Netanyahu.

Ai bëri të ditur se ka pasur komunikim të rregullt me Trumpin, përfshirë një telefonatë mbrëmjen e kaluar, të cilën e përshkroi si “shumë të ngrohtë”.

“E falënderoj Presidentin Trump për mbështetjen e tij”, theksoi Netanyahu në fjalimin e tij, ndërkohë që tensionet me Iranin dhe situata e sigurisë në rajon mbeten alarmante.

Deklarata vjen në një kohë kur SHBA ka rritur praninë e saj ushtarake në rajon dhe ka forcuar aleancën me Izraelin, ndërsa konflikti me Iranin dhe grupet e armatosura të mbështetura prej tij është në pikën më të nxehtë prej vitesh.