Tregu i aksioneve në SHBA po bie, Macron sulmon Trumpin: Vendimi yt do të varfërojë amerikanët dhe BE-në!

Pas një takimi me përfaqësuesit e industrisë, presidenti francez Emmanuel Macron tha se tarifat e Trump janë një "tronditje për tregtinë ndërkombëtare", duke thënë se do të kenë një ndikim masiv në ekonominë evropiane.

Ai shton: "Një gjë është e sigurt, me vendimin e mbrëmshëm, ekonomia amerikane dhe amerikanët... do të dalin më të dobët se dje. Dhe më të varfër."

Ndërkohë tegu i aksioneve në SHBA po bie ndjeshëm në pasi Donald Trump njoftoi një sërë tarifash mbrëmë. Markat e mëdha si Nike, Apple dhe Amazon shohin se aksionet e tyre bien ndërsa Shtëpia e Bardhë i thotë Wall Street-it të "besojë te presidenti Trump".

Trump njoftoi tarifa 10% për shumicën e vendeve  përfshirë Mbretërinë e Bashkuar nga e shtuna, me tarifa më të larta për disa nga partnerët më të mëdhenj tregtarë të Amerikës nga 9 prilli. 

Si përgjigje, Britania e Madhe ka hartuar një listë prej 400 faqesh të produkteve të SHBA-së që mund t'i godasë me tarifa në atë që korrespondenti i BBC Henry Zeffman thotë se është një ashpërsim i qëndrimit të Starmer

Shefja e BE-së Ursula von der Leyen i quan tarifat e Trump një "goditje të madhe për ekonominë botërore" ndërsa Kina, e cila përballet me një normë prej 54%, premton kundërmasa.