Tragjike! Shembet papritur ndërtesa 9-katëshe , mbi 5 të vdekur dhe dhjetëra të tjerë të plagosur

Të paktën pesë persona kanë ndërruar jetë dhe 24 të tjerë kanë mbetur të lënduar, pas shembjes së një ndërtese në Kajro të Egjiptit. “Zyra e krizave të komunës, u informua në orën 3 të mëngjesit për shembjen e një ndërtese me nëntë kate”, thanë zyrtarët e komunës së Kajros në një deklarate.

Mediat e huaja shkruajnë se ekipet e kërkim – shpëtimit kanë filluar kërkimet për të gjetur personat që janë ende nën rrënojat e ndërtesës në lagjen el-Salam.

Kreu i komunës së Kajros, Khalid Abdel-Al është shprehur se të paktën 24 persona kanë mbetur të lënduar nga ky incident i tmerrshëm, ndërsa shtoi se ata janë duke u kuruar në spital jashtë rrezikut për jetën.Ende nuk ka raportime se çfarë e shkaktoi shembjen e ndërtesës.