Thanë se ka vdekur, 76-vjeçarja në Indi hap sytë pak minuta para se ta digjnin

Njihuni me historinë e Shakuntala Gaikëad, 76-vjeçarja nga India e cila u shpall se ka vdekur si pasojë nga Covid-19, por në fakt, nuk ishte kështu. Mediat ndërkombëtare kanë shkruar se e moshuara pak minuta para se ti digjej trupi ka hapur sytë.

Ajo një javë para se të shpallej e vdekur u infektua me Covid-19 dhe gjendja e saj u përkeqësua shumë shpejt. Për shkak të kolapsit që India ndohet, për shkak të rasteve masive të Covid-19, e moshuara nuk u vendos në spital. Gjatë kësaj kohe ajo ra pa ndjenja, e për këtë arsye, familjarët besuan se ndërroi jetë e nisën t’i përgatisnin ritet mortore.

Por pak para se të fillonte djegia e trupit, Gaikëad hapi sytë dhe filloi të qante, sipas mediave lokale. Gruaja u dërgua përsëri në spital për trajtim të mëtejshëm, megjithatë gjendja e saj aktuale nuk bëhet e ditur.