Pengohen protestat në mbrojtje të Palestinës në Austri: Do luftojmë çdo qëndrim anti-izraelit

Në Austri nuk do të lejohen protestat në mbështetje të Palestinës. Lajmin e dha ministri i Brendshëm austriak, Karl Nehammer. Në një konferencë për mediat, ministri tha se do të luftojnë me vendosmëri kundër çdo qëndrimi anti-izraelit.

Duke deklaruar se jetesa e sigurtë e hebrenjve në Austri është një përgjegjësi historike për ta, Nehammer tha se të gjitha llojet e antisemitizmit dhe qëndrimeve anti-izraelite do të luftohen me vendosmëri.

Nehammer në konferencën për media lidhur me bilancin e krimeve dhe akteve të paligjshme në Austri vitin e kaluar përsëriti mbështetjen e vendit të tij për Izraelin, i cili vazhdon të rrisë sulmet ndaj Palestinës.  Ndërkohë ai pretendon se “Turqia luajti një rol në përshkallëzimin e këtij tensioni”.

“Çfarë lloj ndikimi ka Turqia në këtë tension”, tha Nehammer duke potencuar deklaratat e presidentit Recep Tayyip Erdoğan. Ai pretendon se “shpalosja e flamujve turq në protestat e mbajtura në Vjenë dhe mbështetja e qytetarëve me origjinë turke për veprimet kundër politikave izraelite rritën tensionin”.