Tentuan të kalonin kufirin, ushtarët izraelitë qëllojnë në drejtim të protestuesve libanezë

Forcat Mbrojtëse Izraelite kanë njoftuar se kanë qëlluar në mënyrë paralajmëruese disa protestues pro-palestinezë. Këta të fundit thuhet se ishin duke kaluar kufirin nga Libani për në Izrael në momentin kur u qëlluan.

“Pak më parë, tanket e IDF qëlluan për të paralajmëruar një numër protestuesish të cilët kaluan nga Libani në territorin e Izraelit,” shkruan në një postim në Twitter Forcat Mbrojtëse të Izraelit.

“Të dyshuarit sabotuan gardhin dhe i vunë zjarrin zonës përpara se të ktheheshin në territorin e Libanit.”