“Të pavaksinuarit më të rrezikuar që të përfundojnë në spital si pasojë e Covid-19”, flasin ekspertët amerikanë

Njerëzit që nuk kanë marrë vaksinën anti- Covid, janë në rrezik që të infektohen dhe të shtrohen në spital, ndryshe nga personat të cilët tashmë janë vaksinuar. Kështu shkruan raporti i publikuar nga Qendra për Kontrollin dhe Parandalimin e Sëmundjeve, ndërsa kishte marrë nën shqyrtim të paktën 40 mijë raste, në 1 muaj punë.

NBC Neës shkruan se ky studim nisi pasi varianti “Delta” u përhap frikshëm nëpër botë dhe po shtonte numrin e personave të infektuar, gjithashtu edhe vdekjet. Ndërkohë për këtë situatë ka folur një nga autorët e studimit. Sharon Balter tha: “Ata që kanë marrë vaksinën, kanë më pak gjasa që të përballen me pasojat e rënda të virusit, dhe mund të kenë simptoma të lehta. Nga ana tjetër, edhe personat që janë vaksinuar dhe kanë kaluar Covid-19, i këshillojmë që të mbajnë maskën për të parandaluar përhapjen tek personat e pavaksinuar të cilët mund të sëmuren rëndë.”

Një tjetër autore e studimit foli për këtë situatë të krijuar nga “Delta”. Ajo tha: Gjetjet në përputhje me të dhënat, tregojnë se varianti “Delta” shkakton më shumë raste por vaksinimi zvogëlon format kritike dhe rastet e vdekjes.