U hoq si një shoqe, 60-vjeçarja në Francë i vjedh bizhuteritë të ndjerës në arkivol

Një situatë e pazakontë ka ndodhur në një ceremony mortore në Francë. BBC shkruan se një grua rreth të 60-ave gënjeu familjarët e viktimës, në mënyrë që ti grabiste bizhuteritë që kishte në trup. Familjarët kanë rrëfyer se gruaja u prezantua si shoqja e të ndjerës, duke e lënë vetëm që të bënte nderimet, por kur u kthyen, e gjetën viktimën “të grabitur”.

Bizhuteritë e saj ishin zhdukur, duke bërë që familja të bëjë denoncim. Policia ka bërë të mundur identifikimin dhe arrestimin e saj. Policia, shkruan BBC, ka bërë me dije se në shtëpinë e të dyshuares u gjetën bizhutë e vjedhura, por jo vetëm kaq, ajo kishte edhe kuletën e një personi që ka qenë i pranishëm në ceremoninë mortore.