Studiuesit britanikë të bindur: Pfizer dhe AstraZeneca luftojnë variantin indian të Covid-19

Në Britani është publikuar një studim, lidhur me efektshmërisë së vaksinave në variantin indian të Covid-19. Kujtojmë se ky variant prej javësh ka pushtuar Britaninë, duke vënë në rrezik qytetarët. Lidhur me këtë situatë, studimi kryer nga Instituti i Shëndetit Publik ka treguar se vaksinat Pfizer dhe AstraZeneca janë efektive ndaj variantit indian të Covid-19, duke theksuar se duhet të merrën sigurisht të dyja dozat.

Lajmi publikuar nga mediat vendase citojnë studimin, duke shkruar se në vaksinën Pfizer u gjet 88% efektshmëri për të ndaluar variantin indian. Nga ana tjetër, AstraZeneca ka 60% efektshmëri. Por, thekson studimi, raprton BBC, të dyja vaksinat janë vetëm 33% efektive tre javë pas një doze të vetme.