Spanjë, ish-ministri i Transportit dënohet me 24 vjet burg për korrupsion

Gjykata Supreme e Spanjës dënoi sot, ish-ministrin e Transportit, Jose Luis Abalos, me 24 vjet burg për korrupsion.

Ky është një nga dënimet politike më të forta në vitet e fundit në vend, si dhe vendimi i parë gjyqësor në një seri skandalesh që prekin Partinë Socialiste në pushtet.

Abalos u shpall fajtor për veprat penale themelimi i një organizate kriminale, korrupsion, përvetësimi i fondeve publike dhe lidhje me parregullsitë në prokurimin publik.

Kontratat lidheshin me furnizime mjekësore, siç janë maskat gjatë pandemisë COVID-19, kur ai mbante postin ministror.

Bashkëpunëtori i tij, Koldo Garcia, u dënua me 19 vjet burg, ndërsa biznesmeni Victor de Aldama mori një dënim prej 4.5 vitesh, i cili u pezullua me kusht për shkak të bashkëpunimit me autoritetet.

Rasti është pjesë e hetimeve më të gjera kundër korrupsionit që prekin figura të afërta me kryeministrin Pedro Sanchez.