Situata në Afganistan, përfaqësuesi i NATO-s: Shqetësimi jonë është ISIS, jo talebanët

Përfaqësuesi i Lartë i NATO-s në Afganistan, Stefano Pontecorvo ka folur për gjendjen e vendit, pasi pushtetin e morën talebanët. Në një kohë kur afganët u larguan e shumë të tjerë tentojnë të largohen për shkak të regjimit, Pontecorvo tha se nuk kemi asnjë problem nga talebanët.

Sipas tij, shqetësimi i tyre është ISIS. “Nuk janë talebanët ata që na shqetësojnë, por ISIS. Talibanët shpjegon ai, duhet të dëshmojnë se e kanë situatën nën kontroll. Por në fakt nuk e kanë dhe kjo jo për fajin e tyre, por sepse sistemi i sigurisë së vendit është shembur. Nuk ka kushte të nevojshme sigurie dhe ISIS është një kërcënim real”, tha ai.

Kujtojmë se ISIS sulmoi në aeroportin e Kabulit disa ditë më parë, duke shkaktuar mbi 100 viktima, mes tyre edhe 13 ushtarë amerikanë.