Sicilia, Calabria dhe Sardenia akoma nën pushtetin e zjarrit, të rrezikuar shumë banesa, bllokohet qarkullimi rrugor

Italia vijon të jetë nën pushtetin e zjarrit, duke dalë jashtë kontrollit. Mediat italiane shkruajnë se zona më e prekur është Fossa Creta ku disa familje janë detyruar të lënë shtëpitë e tyre. Po ashtu, në këtë zonë është bllokuar qarkullimi rrugor.

Zjarri ka pushtuar edhe Le Capannine në bregdetin Plaia, ndërsa puna për të normalizuar situatën vijon edhe në Sardenjë në territoret dhe qendrat e banuara të Santu Lussurgiu, Cuglieri, Tresnuraghes, Frossio, Sennariolo, Usellus, Porto Albe, Scano di Montiferro dhe Cabras.

Në provincën e Reggio Calabria një zjarr pyjor ka prekur që dje disa zona të kryeqytetit. Ekipet e zjarrfikësve, të mbështetur nga avionët e flotës së Trupave Kombëtare, janë ende të angazhuar në kontrastimin e fronteve të flakës dhe ruajtjen e shtëpive në zonë.

Ishte 20 korriku i kaluar kur në Civita Castellana, në rrugën provinciale të Nepesinës në via delle Fontanelle, ishte zhvilluar një zjarr i madh, i cili kishte prekur më shumë se njëzet hektarë bimësi. Duke shkaktuar rrezik të madh për njerëzit që banojnë aty pranë, gjithashtu duke marrë parasysh praninë e një zone shërbimi dhe karburanti.

Një helikopter shuarjeje, dy ekipe zjarrfikëse, katër makina të mbrojtjes civile, policia lokale Civita ndërhyri për të shuar flakët. Pas një aktiviteti të gjatë hetimor, karabinierët e stacionit Castel Sant’Elia, nga ekzaminimet dëshmuese, marrja e pamjeve fotografike dhe inspektimi i mëvonshëm në bashkëpunim me stafin e Asl Viterbo-Spresal Civita, denoncuan 5 persona. Zjarri u shkaktua nga kontakti midis një ekskavatori në një vend ndërtimi aty pranë dhe linjës së energjisë elektrike.