"Ukraina pranon armëpushimin", Shtëpia e Bardhë jep lajmin: Pranojnë afatin 30-ditor!

Shtëpia e Bardhë ka shpërndarë një deklaratë të përbashkët nga SHBA dhe Ukraina pas takimit të sotëm në Arabinë Saudite. 

SHBA thotë se do të heqë menjëherë pezullimin për ndarjen e inteligjencës dhe do të rifillojë ndihmën e saj të sigurisë për Ukrainën.

"Të dy vendet ndërmorën hapa të rëndësishëm drejt rivendosjes së paqes së qëndrueshme” për Ukrainën gjatë takimit të sotëm, shtoi Departamenti i Shtetit i SHBA. Ukraina ka shprehur gjithashtu gatishmërinë e saj për të pranuar propozimin e SHBA për të miratuar një armëpushim të menjëhershëm, të përkohshëm 30-ditor.

Të dy vendet kanë thënë gjithashtu se kanë rënë dakord të përfundojnë një marrëveshje për zhvillimin e burimeve minerale të Ukrainës.

Të dy delegacionet kanë rënë dakord të emërojnë ekipet e tyre negociuese dhe të sjellin menjëherë bisedimet drejt një paqeje të qëndrueshme që mundëson sigurinë afatgjatë të Ukrainës", thuhet në njoftim.