Shkrumbohet një biznes në Gramsh, pamje nga vendngjarja

Mbrëmjen e të Dielës një servis i pajisjeve elektroshtëpiake në qytetin e Gramshit është përfshirë nga flakët.

Burime zyrtare raportuan se nga një vatër zjarri e shfaqur në brendësi të servisit flakët përfshinë në kohë rekord të gjithë ambientin duke u përhapur edhe jashtë tij.

Me gjithë ndërhyrjen e shërbimit zjarrfikës vënia në kontroll dhe izolimi i flakëve ka qenë shumë i vështirë.

Për pasojë është shkrumbuar pothuajse gjithçka ndodhej në servis. Paraprakisht nuk janë identifikuar shkaqet dhe po punohet për zbardhjen e ngjarjes.