Sekretari Amerikan i Shtetit, Blinken nderon Altin Dumanin kampion kundër korrupsionit

Kreu i Prokurorisë së Posaçme, Altin Dumani është shpallur kampion i antikorrupsionit nga Departamenti Amerikan i Shtetit.

Në një ceremoni të zhvilluar në DASH, me praninë e Sekretarit amerikan të Shtetit Anthony Blinken, kreu i SPAK ishte mes 10 emrave për kampion global të antikorrupsionit të prezantuar nga zyrtari i lartë amerikan.

“Falë dumanit, sot SPAK është institucioni më i besuar publik në Shqipëri”, tha Blinken.

Nga Shqiperia, me pare nje titull te tille e ka marre edhe gjyqtari Ardian Dvorani ne vitin 2021.

Çmimi i ri “Kampionët Ndërkombëtarë të Anti-Korrupsionit”, siç u shpreh Sekretari amerikan i Shtetit, Antony Blinken, “vlerëson individë që kanë punuar pa u lodhur, shpesh në kushte të vështira, për të mbrojtur transparencën, luftuar korrupsionin dhe për të siguruar mbajtjen e përgjegjësisë në vendet e tyre”.

Blinken tha kur nderoi Dvoranin, se ky çmim tregon se administrata e Presidentit Biden e kupton se “do të jemi të suksesshëm në luftën ndaj korrupsionit vetëm duke pasur partnerë të përkushtuar”.