Rritet ndjeshëm numri i të infektuarve, ky shtet izolohet sërish, zgjat gjendjen e jashtëzakonshme

Qeveria e Tajvanit ka vendosur të zgjasë gjendjen e jashtëzakonshme, pasi është rritur ndjeshëm numri i infektimeve nga Covid-19. Autoritetet shëndetësore në raportin e fundit kanë treguar se janë 281 raste pozitive dhe 6 persona kanë ndërruar jetën.

Sipas njoftimit zyrtar, numri më i madh i rasteve të reja u regjistruan në Taipei me 155 të infektuar, 2 raste në Taitung dhe 49 të tjera janë të përhapura në të gjithë qytetet. Kjo tregon se i gjithë Tajvani është një zonë e kuqe dhe e rrezikuar.

Për shkak të kësaj situate, qeveria ka vendosur që shkollat do të qëndrojnë të mbyllura  deri në fund të muajit dhe ceremonitë e diplomimit do të anulohen ose do të zhvillohen online.