Rrëzohet avioni në Brazil, ka viktima

Tre persona humbën jetën në Sao Paulo, Brazil, kur një aeroplan privat u rrëzua në një fermë në juglindje të vendit të shtunën.

Avioni me një motor u rrëzua në një fermë në rrethin Birigui, në pjesën veriore të shtetit.

Videot e transmetuara nga rrjetet braziliane tregojnë momentin e shpërthimit teksa avioni u rrëzua, me kuajt e fermës duke ikur.

Zjarrfikësit kanë shkuar në vendngjarje dhe kanë shuar zjarrin dhe kanë nxjerrë trupat e djegur nga rrënojat e avionit.

Shkaqet e aksidentit mbeten ende të paqarta./vizionplus