Protestonte kundër vaksinës, 54-vjeçarja në Greqi vdes nga Covid-19

Ka ndërruar jetë si pasojë e Covid-19, një 54-vjeçare në Greqi, e cila vazhdimisht protestonte kundër vaksinës. Ka qenë bashkëshorti i saj që e dha lajmin e hidhur, ndërsa tregoi se gruaja e tij edhe në spital kishte refuzuar që të trajtohej.

Sipas tij, viktima qëndroi në intubim, në gjendje të rëndë për disa ditë, derisa ndërroi jetë. Ai shkruan se edhe pse luftoi si bishë, ditët e fundit ishin shumë të vështira për të.  “Ky engjëll, engjëlli im, fluturoi nga krahët e mi drejt qiellit,” ka shkruar ai.

Ndërkohë, mediat greke shkruajnë se bashkëshorti i viktimës gjithashtu nuk besonte tek vaksina dhe trajtimet anti- Covid.