Presidenti Trump shtron iftar në Shtëpinë e Bardhë, falënderon votuesit myslimanë

Presidenti i SHBA-së, Donald Trump, ka pohuar se administrata e tij po i mban premtimet e saj ndaj komunitetit mysliman dhe është “i angazhuar në diplomaci të pamëshirshme për të krijuar një paqe të qëndrueshme në Lindjen e Mesme”.

Trump i bëri këto komente të enjten teksa priti darkën vjetore të Iftarit në Shtëpinë e Bardhë, ku falënderoi gjithashtu “qindra mijëra myslimanë-amerikanë që e mbështetën” atë në zgjedhjet presidenciale të 2024-ës.

“Meqë jemi në muajin e shenjtë islamik të Ramazanit, më lejoni të filloj duke u thënë miqve të mi myslimanë – Gëzuar Ramazanin”, tha Trump.

Në ngjarjen e Shtëpisë së Bardhë morën pjesë udhëheqës të komunitetit mysliman, diplomatë dhe zyrtarë qeveritarë.

“Ndërsa nderojmë muajin e shenjtë islam të Ramazanit, dua ta filloj duke u drejtuar miqve tanë myslimanë – kemi shumë sonte këtu, dhe mendoj se kemi shumë në mbarë botën, bazuar në rezultatet në Michigan dhe vende të tjera – por dua të them përshëndetje për të gjithë ata që na kanë mbështetur kaq fuqishëm. ”, tha Trump.