Premtoi se do t'i jepte fund luftës Rusi-Ukrainë, Donald Trump: Bëra shaka!

Ish-presidenti amerikan Donald Trump ka sqaruar deklaratën e tij të mëparshme se do t’i jepte fund luftës në Ukrainë “brenda ditës së parë” të kthimit në pushtet, duke thënë se ajo ishte një mënyrë figurative e të shprehurit dhe jo një premtim konkret.

Në një intervistë për revistën “Time”, Trump u pyet drejtpërdrejt për këtë pretendim, ai u përgjigj “E thashë në mënyrë figurative, dhe e thashë si një ekzagjerim, për të theksuar një pikë.

Dhe, siç e dini, natyrisht që më pas shpërndahet nga lajmet e rreme. Është e qartë që njerëzit e dinë se kur e thashë atë, ishte me shaka, por gjithashtu u tha se do të përfundonte.”

Në të njëjtën intervistë, Trump ka komentuar edhe mbi çështjen e Krimesë, duke thënë se gadishulli i aneksuar nga Rusia në vitin 2014 “do të qëndrojë me Rusinë”, një deklaratë që pritet të ngjallë reagime të shumta në arenën ndërkombëtare.